Hikai ka DBPPA ia ki samla khlem kam

Shillong,3 Nailar:
Ka Don Bosco Past Pupils’ Association Shil long, DBPPAS) ka la pynlong ia ka prokram ai jinghikai na ka bynta ki samla kiba duk, ki bym don lad, kiba la pep skul bad kolej bad kiba khlem kam ha ka shi tarik u nailar bad ha ka 11 tarik u nai tung ha kaba kumba 200 ngut ki la ioh bynta ha kine ki jingai jinghikai, ba la pynlong ha Don Bosco Technical School bad ha St. Anthony’s Junior School.
Ka jingthmu jong kane ka training ka long ban ioh ioh lad ban pyntbit ialade ha ki laiñ treikam bapher bapher khnang ba kin ieng hala ki kjat ban seng kam lajong ne ban ïoh kam ha ki laiñ ba la pyntbiot bha. 
Lah ban pynkynmaw hangne ba ka daw kaba kongsan jong ka jingkhlem kam ki samla ka mih namar ba kim lah ban ïoh kam bad ki riew shimet, ki kompeni ne kam sorkar ne sdang kam lajong namarba kim don jingtbit ha ki kam ba thmu ban trei.
Namarba ki dei ki samla kiba dang iit-lad ban pyntbit ialade,la iarap ha kane da ka Meghalaya State Skills Development Society, ka Avanues Jingkieng, ka Micro. Small bad Medium Enterprise bad kiwei ki nongplie lad.