Hikai ia ki skhim sorkar ha Tynring

Shillong, 18 Nailur:
Ka jingpynshai paidbah Public Information Campaign balai sngi halor ka jingpyntrei kam ia ka Bharat Nirman programme jong ka Sor kar Kmie la sdang naduh mynta ka sngi ha Madan Phutbol Tynring, East Khasi Hills District, Meghalaya. Ia kane ka jingpynsngewthuh paidbah la plie da u dkhot ka Iing Dorbar Thaw Ain ka Meghalaya, u Bah David Nongrum, uba long ruh Shongknor jong ka Meghalaya Tourism Development Corporation. Haba kren ha katei ka sngi, une u Bah David Nongrum u la iaroh ia ka Press Information Bureau bad lad pathai khubor DAVP, kiba long ki tnad trei kam jong ka Sorkar Kmie, kiba la pynlong ia kane ka jing pynsngewthuh paidbah ha kaba la iashim bynta ruh da ki tnad treikam bapher bapher jong ka Sorkar Meghalaya ban pyntip paidbah ia ki jingtrei kam bakongsan jong ka Sorkar Kmie. U Bah David Nong rum u la plie ruh ia ki jaka ba la pynkhreh kyrpang ban pyni paidbah ia ka jingtrei kam jong ka DAVP.
Ia kane ka jingpynsngewthuh paidbah la pynlong da ki lad pathai khubor jong ka Sorkar Kmie kum ka PIB, DFP, DAVP, AIR bad DDK ryngkat bad ka jingiatrei lang bad ki bor Sorkar jong ka East Khasi Hills District.
Ia kine ki jingpyni paidbah la pynlong da ka Directorate of Field Publicity, Directorate of Advertising & Visual Publicity, ICDS, Soil & Water Conservation, District Water & Sanitation Mission, NRHM bad Community & Rural Development.
Ha ka jingiamir jingmut Technical Session, I Kong K.B. Jyrwa, iba long Block Mission Coordinator, I la kren halor ka jingsam-ei ia ki kot pule pule, ka jingpynrung kyrteng ia ki khynnah skul kiba don jingduna dkhot met hapoh ka SSA programme. I Dr. C. Budnah, iba long I SM&HO bad dei peit ia ka Diengpasoh PHC I la kren halor ka jingpyrshang ban tehlakam ia ki jingpang kiba iabit bad ia kiwei ki jingpang haba la pyntrei kam ia ka NRHM.
I Bah A.S. Mukhim, BDO, Mawryngkneng C&RD Block iba la pynsngewthuh halor ka MGNREGS. Kiwei kiba la kren ha katei ka sngi ki long I Bah M.L. Lawai, EE (Water Resources), SDO, Shillong, I Kong Meera Kharkongor, Project Officer, Mawryngkneng ICDS, Dr. P. Dohtdong, D&MO, E. Khasi Hills, I Bah Iban Swer, Department of Soil & Water Conservation, I Kong C.D. Lyngwa, ADC bad u N.J. Saikia, M&CO, PIB, Shillong u la ai ia ki kyntien pdiang sngewbha bad jingsngewnguh.