Hikai ia ki nongrep ka Nongum Presbytery

Shillong, 23 Risaw:
Ban kyntiew ia ka rep ka riang, ka Social and Economic Life Development Committee jong ka Nongum Pres bytery ka la lumlang ia ki paid nongrep jong ka ha ka shnong Mawsynnam ha ka 21 tarik mynta u bnai ban ai jinghikai ia ki halor ka rep ka riang. Ha katei u sngi u Bah D Pyng rope, u Bah W Syiemlieh bad bah K S Nongbsap kiba long ki Asst. Director jong ka Horticulture bad Agriculture Nong stoin, bad kiba la long ki resource person.
Kitei ki Ophisar baroh lai ngut ki la ai ka jingbatai bad ki jinghikai kaba bniah bha kaba pynhun ia ki paid nongrep kiba iadon kumba 250 ngut kiba wan na ki shnong bapher bapher. Kitei ki Officer ki la iathuh ruh shaphang ki Scheme jong ka Sorkar aiu kala leh bad dang thmu ban iarap iaki nongrep.
Kitei ki Office ki kham ban bha halor ka rep soh ba bun jait, rep sying, rep kba, phan, shriew, riew hadem, ki jhur, kubi, phrisbin kiba kham iadei bha ka khyndew ha kane ka thain bad kumno ruh ban iada na ka jingpang kaba ki jingthung ki ju ioh da kaba pyndon kam da ka sboh bad ki dawai jong ka juk kaba mynta. Kine ki Officer lila kyntu ia ki Nongrep ban kin sangeh noh ia ka rep synsar namar u pyntyrkhong iaka khyndew hynrei ha ka jaka dei ban thung bad rep noh da ki soh, ki jhur ne ka kait kaba pynum bad pynsboh biang ia ka khyndew. Ha katei ka sngi ki Officer ki la sam ruh ia ki sboh dawai, symbai jhur ia baro kiba la wan sha katei ka training.
Ia katei ka Training la plei da u Rev. N O Kharlukhi uba long u Moderator ka Presbetery. La ioh ruh ka jingkren bad jingpynshai lyngkot halor ka jingthmu jong ka training da u Rev. A Rymmai, u Executive Secretary ka Presbytery bad kumjuh na u Bah Getstar Lyngdoh Secretary SELD. Ia ka jingialang la la pyniaid da u Tbn. Boldness L Nongum uba long u Chairman ka SELD, Nongum Presbytery, katakum ka kyrwoh ba la pyllait paidbah da u bah G.lyngdoh Secretary SELD , Nongum Presbytery.