Nongpoh, 05 K’lyngkot: U Samla Lambokstarwell Marngar, President rangbah ka KSU Sengkmie, mynta ka sngi u la hiar sha ka shnong Umling ha Ri Bhoi bad kata ka long ban pynskhem ia ki nongkitkam ba pura jong ka KSU 20mer Circle, ki ban sa treikam na bynta ka samoi treikam jong u snem 2025-2028.
Ia katei ka jingpynskhem ia ki nongkitkam ba thymmai ka KSU 20mer Circle, la pynlong ha Iing Dorbar ka shnong Umling, ha kaba la sakhi da ka jingdon kiwei de ki heh nongialam ka KSU Sengkmie, kiba kynthup naduh u Samla Biangbor L. Paliar, Vice-President ka KSU Sengkmie, u samla Ferdynald K. Kharkamni, President ka KSU NKHD, u Bah Comenson Wahlang, Rangbah shnong Umling lem bad shibun kiwei pat.
Kum ban shu kdew hangne, ba hapoh ka 20mer Circle, ki don kumba 10 tylli ki Unit bad phai halor ki nongkitkam ba thymmai jong ka KSU 20mer Circle, ki kynthup ia u Samla Baiaishah Lapang kum u President, u Samla Overson Lyngdoh kum u Vice-President, u Samla Comingsoon Lyngdoh kum u General Secretary, u Samla Pynshai Maring kum u Assr. General Secretary lem bad kiwei.
Haba kren sha ki dkhot ka seng ha katei ka sngi ba la pynskhem ia ki nongkitkam ka KSU 20mer Circle, u Samla Lambokstarwell Marngar, u la kyntu ia ki ba ki dei ban long ki nuksa babha ha ka imlang sahlang bad nalorkata ba ki dei ban long kum kita ki paia baskhem na bynta ban iada ia ka ri bad jait bynriew.
U la ong ruh ia ki, ba ki dei ban long kiba la kloi na ka bynta ban mih madan thma haba ka jait bynriew ka donkam bad ba kim dei ban salia ha ban iakhun na bynta ban iada iala ka jong ka ri, kampher watla ki jingiakhun ki long ha kano kano ka dur.
Phi don ban ong eiei?