Hiar u DGP sha Garo Hills

Shillong, 5 Naiwieng:
Hadien ba la shah siat iap san ngut ki pulit ha ki suba lehnoh GNLA mynta ka step, u DGP ka jylla u Bah Peter Hanaman u la hiar wut wut sha Garo Hills ban pynlong ia ka jingbishar bniah ia ka jinglong ka suk ka sain.
Mar mar, ka Myntri kam pohiing ka jylla ka Kong Roshan Warjri ka la pynlong ia ka jingialang bad u DGP halor ka suk ka sain bad ka ain ka nun ha ka thain Garo hills ba la shah ktah na ki kam lehnoh.
U Bah Hannaman u la mareh bran bran sha Garo hills ban peit hi da lade ia ka jinglong jingman bad u iakynduh ia ki heh ka district.
Haba pynpaw ia ka jingsngew lem sha kiba khlad noh, ka KongWarjri ka la pynrem jur ia ka jinghiar thma ia ki pulit da ki lehnoh bad ka la ong ruh, ba ka sorkar kam nym ailad ban pynthut ua ka suk ka sain.