Hiar thma ki runar ia ka bus ASTC

Shillong, 29 Nailar:
Hynniew ngut ki nongshong bus ka Assam State Transport Corporation (ASTC) ki la mynsaw haba ki runar ki la jrong kti ia ki hynnin ka miet sngi Balang.
Kane ka la jia ha Umran Dairy, Ri Bhoi district. Ki pulit ki la iathuh ba ki runar kiba don kumba 10 haduh 15 ngut ki la rung ha ka bus ha ka por 11 baje mynmiet bad ki la jrong kti ia ki nongshong bus haduh ba ki la mynsaw.Kane ka bus ka dei kaban leit sha them Barak district jong ka Assam. Ki pulit ki iathuh ba ki runar ki la hukum ruh ia kitei ki nongshong bus ba kin dem khohsiew. Hadien ba la shoh pynmynsaw, ki runar ki la beh noh ia katei ka bus sha Guwahati. Ki pulit ki la rejister ia kane ka jingjia bad la pynlong ia ka jingtohkit.