Hiar thma ki hati khlaw ha thain Nongrim Jirang

Shillong, 06 Nohprah:
Shi kynhun ki hati khlaw kiba don kumba 15 haduh 20 tylli ki la hiar thma ia ki jingthung jingtep ki bri ki bsah jong ki briew ha ka thain Nongrim Jirang, Ri-Bhoi district. Kine ki la hati leit ban bam bad pynjulor ia ki lyngkha rep ha kane ka taiew ba la dep.
Ka tyllong khubor ba la ioh lum ka iathuh ba katei ka jingjia ka la jia dang ha ka taiew ba ladep ha kaba kitei ki hati ki pynjulor ia ki lyngkha kba jong u Bah C Rani bad u Bah S Hat bad kiwei kiwei.
Halor kane ka jingjia, ki nongrep ki la pynpaw ia ka jingsngewsih jur ba kin duh noh ia u kba ba la rep shitom baroh shisnem pynban ki duh noh ha ka por ban lum sha ki thiar jongki ka long jingduh kaba khraw ki nongrep. La iathuh ba kitei ki hati ki dang don haduh mynta ha katei ka thain bad ki nongrep ki nongrep ki don ha ka jingsyier haba ki leit ap miet ia ki lyngkha jongki ioh ki wan thombor ha kano kano ka por.