Hiar thma ki ehrang Naxalite, iap U MLA bad 4 ki nongbud ha Chhatisgarh

Raipur: U MLA ka seng BJP, U  Bhima Mandavi lem bad saw ngut pulit kiba bud  ia u, ki la iap ei mynta ka sngi, haba ki ehrang Naxal, ki la hiar thma ia ki ha Dantewada District jong ka Jylla  Chhattisgarh bad katei ka dei ha shwa ka kylla kaba nyngkong jong ka elekshon ha ka Jylla, kaba dei ban long ha ka 11tarik Iaiong 2019.

Katei ka jingjia, ka dei ha  Shyamagiri hills, haba ka kali jong U MLA, ka dang leit sha Kuwakonda, na Bacheli, kaba don kumba 450 kilometre na ka nongbah Raipur. Ki ehrang Naxalite ki la pynbthei ia katei ka kali, da u bom IED bad nangta ki sa siat naphang ia ki briew kiba don ha katei ka kali bad ha katei ka jingjia, U MLA bad saw ngut kiwei pat ki la iap ha shen.