Hiar thma ka Israel, iap 35ngut ha shen, kynthup ia u snar ehrang ki Hamas

Tel Aviv: 35ngut ki riew paidbah, ki la iap ei, ha ka jinghiar thma ka Israel ha Rafah, kaba don shathie jong ka Palestine.

Na ka liang jong ka Israel Defense Forces (IDF), ka kam, ba ka la leit ther ha Rafah, ha ka jaka, ba don ka jaka sah ki ehrang ba satar bha bad ha katei ka jingjia, ki la ioh ban pyniap ia u heh duh ki ehrang Hamas, uba peit ia ka West Bank, ha ryngkat bad kiwei de ki heh jong katei ka seng ki ehrang Hamas.

Ki shipai Israel, ki kam, ba ki la siat iap ia U Yassin Rabia, u heh duh shipai jong ki Hamas, nangta u Khaled Najjar, uwei pat u heh jong katei ka kynhun ehrang. U Rabia, u dei uwei na ki nongbei pisa, ia ki ehrang Hamas, ba kin ialeh pyrshah ia ka Israel, ong ka kyrwoh khubor jong ka IDF.