New Delhi: Ki shipai India, ki la ther tyngeh mynta ka sngi, ia ki ktem lehnoh, kiba don ha Pakistan-occupied Kashmir, ha ki bynta jong ka Tangdhar Sector. Ha katei ka jinghiar thma, ki la don hynriew ngut ki shipai Pakistan, kiba la iap bad sa ki phew ngut kiwei pat ki lehnoh, ong ka khubor.
Ki shipai India, ki pyndonkam da ki tup ki man ban ia siat ha ki saw tylli ki ktem jong ki ehrang ha Neelam Valley (PoK), ha kaba ki ju rieh tngen ki ehrang jong ka Lashkar-e-Taiba bad ka Hizbul Mujahideen.
Ki shipai ki leit thew ia ki ktem kiba don ha Jura, Athmuqam bad ha Kundalsahi bad ka daw, ka long hadien ba ka India, ka ioh khubor, ba ki don bun bah ki ehrang kiba trei kam na katei ka jaka.
Phi don ban ong eiei?