Shillong: Ki paidbah, ki nongialam sengbhalang bapher bapher ki la tuid ban leit sngewlem sha ka iing u bah Lurshai Hyn ñiewta uba khlad noh na ka jingmynsaw hadien ba la shah tied ha ki briew ha Ichamati ha kane ka sngi Thohdieng.
Hynnin ka sngi, ki nongleit sngewlem na ki kylleng ki jaka ki la tuid sha Sohra ban leit pyn tngen ia ka ïing ka sem jong utei u dkhot ka Khasi Student’s Union (KSU) uba la khlad ha ka jingshah thombor ha ki bar jylla kaba la jia ha ka 28 tarik u rymphang ha ka shnong Ichamati.
Ki kynhun bapher bapher naduh ki seng bhalang, ki seng saiñpyrthei , ki paralok para jor ki kha ki man ki la hiar mynta ka sngi sha Pynshadkhurai –Sohra ban sngewlem ia ka ïing ka sem jong u bah Lurshai.
Ki dkhot ka Hyn ñiewtrep Achik National Movement (HANM) hapoh ka jingialam u President rangbah katei ka seng u bah Lamphrang Kharbani ki la hiar hynriew kali hynrei haba la poi sharum jong ka jingkieng Mawkdok ki pulit kiba ap pahara hangtei kim shah satia bad ki pyllait tang ar kali hadien ba la iakren ia ka SP ka East Khasi Hills.
Hadien ba la wan na Sohra, ki dkhot ka HANM ki la leit peit ruh ia u Sordar jong ka Umwai uba dang thiah pang mynta ha Civil Hospital, Shillong na ka daw ka jingmynsaw ka kti ka diang jong u bad ki la kitbok ba un nangioh ia ka met kaba koit ba khiah.
Lada ym lah shuh da ka bor leh da ka buit tangba ka buit kadei ban long kaba paka bad dei ban biang bha ka planning ngi ki barit paid ngi nym lah da ka bor kawei ng kwah ban pynkynmaw ka ‘Unity’ ieng tylli kawei
Lada ym lah shuh da ka bor leh da ka buit tangba ka buit kadei ban long kaba paka bad dei ban biang bha ka planning ngi ki barit paid ngi nym lah da ka bor kawei ng kwah ban pynkynmaw ka ‘Unity’ ieng tylli kawei
Hakaba iadei bad ka jingiakajia pud(Assam bad Meghalaya), kalahdei ban file daka case ha supreme court khnang ba ka sorkar kmie kan shim khia ban pynbeit,.lymkumta kan shu sah beit kumne haduh ki phew pateng jongngi, namar lada iawer pynbeit pud tang kine ar jylla, ka Assam kam treh lano lano ruh.