Hiar shuki U Kamal Nath, kum u myntri rangbah ka Madhya Pradesh

U Kamal Nath, myntri rangbah ka Madhya Pradesh, ula hiar shuki noh mynta ka sngi bad katei ka dei ha shwa ka jing ia tynjuh bor, kaba dei ban long ha shwa ka 5baje mynta ka janmiet, kumba la bthah da ka Supreme Court hynnin ka sngi.

Lyngba ka jinghiar shuki jong U Nath, kumta ka lad ka la plie ia ka seng BJP, ba kan thaw sorkar ha katei ka Jylla.

Ka sorkar Congress, ha katei ka Jylla, ka don ha ka jingduna briew, mynta la katto katne sngi, hadien ba U Jyotiraditya Scindia, uwei na ki nongialam ba rangbah jong ka seng Congress, ula mih noh na katei ka seng lem bad 22ngut ki MLA bad pyniasoh ialade sha ka seng BJP.

Haba kren sha ki kotkhubor U Nath, u ong “Nga la iaid shakhmat ha ka kam shakri paidbah jongnga lem bad ka jing shakri kaba kordor jong ka jingim. Ka BJP, kan nym lah ban thombor eiei satia bad ka por kan sa pyni sa katto katne por, ha kaba ki la pynbor ia ki MLA, ba kin hiar shuki bad nga ruh nga hiar shuki noh mynta ka sngi”.