Shillong, 12’lyngkot:
Ha ka jingialang jong ka kaba la long mynta ka sngi ka UDP ka la ia kren halor ka Meghalaya Service and Conduct Rules, kaba la khang ia uno uno u nongtrei sorkar ban bat ia kiwei pat ki kam lane ban long dkhot ha kino kino ki seng, ki Association lane ki kam synshar khadar, katei ka seng ka la shim ba katei ka sienjam ba ka sorkar ka shim ka dei kaba ym lah ban pdiang ha ka synshar paidbah.
Ka UDP ka la ia kren ruh halor ka hukum jong ka High Court kaba dang shen kata ban aiti ha ka CBI ba kan tohkit ia ka kong Ampareen Lyngdoh,myntri tnad pynroi sor ryngkat 21 ngut kiwei pat halor ka kam tei ing be-aiñ da ki bun bun mala. Halor katei ka phang ka UDP ka la ong ba khnang ba katei ka kam kan long kaba iaid beit da ka jingkhuid ka dawa ba ka kong Ampareen Lyngdoh ka dei ban hiar shuki dalade hi lym kumta u myntri rangbah ka jylla u dei ban pynhap shuki noh ia ka. Ka UDP ka la kynnoh ruh ba katei ka myntri pynroi sor ka dei ka briew kaba la don dak sniew kiba bun ha khmat jong ka aiñ kum ka jingthung kam nonghikai.
Katei ka jingialang ka UDP ka la ia kren ruh halor ka kam MDC shu sieh ha KHADC kaba ka KHADC ka la jied ia u bah J.Reenbohn bad kumjuh ruh ka GHADC kaba la jied ia u Conrad Sangma,ka la ong ba ka sorkar ka dei ban pdiang ia ka jingtyrwa ba la wanrah da kaba bud ryntih ia ki kyndon jong ka AD Rules,ha ka jaka ba kan pynkheiñ ia ki kyndon jong ka jingjied MDC shu sieh. Halor kitei ki mat ba la ia kren katei ka jingialang ka la rai ban phah da ka jingthoh sha ka sorkar.
Phi don ban ong eiei?