Hiar pynskhem ki nongialam ka KSU ia ki dkhot ba thymmai ka KSU Tasku Unit

Nongpoh, 05 Naiwieng: Ki la don shibun ki samla shynrang na ka shnong Tasku, kawei na ki shnong ha Ri Bhoi Sepngi bad kaba hap ha Jirang Constituency, ki la pyniasoh ialade sha ka seng Khasi Student Union (KSU) bad ia katei ka jingwan pyniasoh da ki samla na katei ka shnong, la pynskhem ia ki da ki heh nongialam ka KSU Sengkmie mynha ka 1 tarik u Naiweng.
Ia kitei ki samla ba dang shu pyniasoh sha ka KSU bad kiba don hapoh ka KSU Tasku Unit, kaba hapoh ka jingpeit jingkhmieh jong ka KSU Western Border Area Unit, la pynskhem ia ki da u Samla Biangbor L.Paliar, Vice-President ka KSU Sengkmie, ha ryngkat ka jingdonlang u Samla Melajied Khongbuh, Assistant Publicity KSU Sengkmie, nalorkata la sakhi da ka jingdon ki nongialam ka KSU, NKHD, kiba kynthuep ia u Samla Lambok Rymbai, Vice-President KSU NKHD Unit, u Samla Jester Nongbet, Assistant Organising KSU NKHD Unit, u Samla Augustine Nongbri Finance Secretary KSU NKHD Unit, u Samla Receive Pator, President ka KSU Western Border Area lem bad kiwei.
Ki nongialam na bynta ka KSU Tasku Unit, ki kynthup ia u Samla Maitphang Thangkhiew, kum u President, u Samla Everest Diya kum u General Secretary lem bad 25 ngut ki dkhot kiba dang shu rung thymmai sha ka KSU.