Hiar ki heh duh ka UDP sha Umwang ban leit pdiang sngewbha ia u bah Balajied Rani, MDC Congress

Nongpoh: Ki nongialam ba hakhlieh duh ka United Democratic Party (UDP), mynta ka sngi, ki la hiar sha shnong Umwang, ka jaka kaba ki la jied, na ka bynta ban pdiang sngewbha ia u bah Balajied Rani, MDC Congress na Nongpoh bad uba la leit pyniasoh noh ialade sha ka UDP.

Ia u bah Balajied Rani, la wan ban pdiang sngewbha sha ka UDP, da u bah Metbah Lyngdoh, President ka UDP, uba dei ruh u Speaker ka sorkar jylla, u Ma Lahkmen Rymbui, Myntri kam pohiing, u Ma Kyrmen Shylla MLA Khliehriat, Ma Nujorki Sungoh, MLA Mowkaiaw, Pius Marwein, MLA Ranikor, nangta sa shibun kiwei ki MDC ka UDP hapoh ka KHADC, JHADC lem bad shibun ki nongkitkam ba hakhmat eh ka UDP.