Shillong:Ka Hynñiewtrep National Youth Front (HNYF) East Khasi Hills, mynhynnin ka sngi; hapoh ka jingïa lam u General Secretary, u Bah Donlang Nongbri ryngkat u Assistant General Secretary u Bah Tyllibor Swer, ki la hiar ban leit khynra Licence ïa ki dukan thoh tim, kiba don ha Polo ban lap la kine ki dukan thoh tim ki biang ne em ki kot ki sla kaba ki dei ban pynbiang.
Ha kane ka jingjurip, ka seng, ka la lap ba jan baroh na ki dukan kim don satia ïa ki licence bad don ruh kiba da ki snem kim pynthymmai shuh.
Haba kren sha ki lad pathai khubor, kine ki nongïalam ka HNYF ki la ong ba kane ka jingbym pynbiang ïa ki licence da ki dukan bad ka jingbym shimkhia, ka sorkar ban pynbor ba ki dei ban pynbiang ka pynlong ïa ka jingduh ei da ki bun klur ka khajana ha ka shisnem kaba pynlong pat ïa ka jinghiran ka pla tyngka jong ka sorkar kaba ka shem jingeh tang ban siew tulop ïa ki nongtrei jong ka.
Kine ki nongïalam ka seng ki la dawa na ka sorkar lyngba ka tnad Taxation Department, ba ki dei ban wan pyrkhing ïa kine ki dukan bad ba kam dei ban ailad ba kin plie khlem pat da ïoh ki license na ka sorkar.
Shuh shuh na ka liang u Bah Tyllibor Swer, u la pynrem jur ïa ki inspector ka sorkar, kiba ym shem la don satia ka jingshim khia jong ki ban leit jurip, wat hadien ba ka seng, ka la ai da ki jingthoh halor kane ka kam.
Kat kum ka jingïathuh jong u Bah Tyllibor, u la ong ba tang na kawei ka dukan tim ka sorkar kan ïoh ym duna ïa ka 1,500 ha ka shisnem ka khajna bad jin lada ka sorkar ka shimkhia ïa kane kan jin lada long ka lad ban pynheh ïa ka pla ïarong ka sorkar.
Shuh shuh na ka liang jong u, u la buh jingkylli ïa ka sorkar ba kumno kan kam ba ka khalai casino kan pynheh ïa ka pla tyngka jong ka katba, tang na kine kiba la don lupa kam lah ban teh lakam ïa ki.
NGA kwah ban Ong ba don ruh kiba leh fraud iaki briew dakaba kular ban ai number uba tikna ban mih ki phah ban thep Pisa shwa haki account jongki bad kila Ong thep shuh ka pisa bad ngin ai u number NGA ruh NGA lah ngat ha Kum kine ki jait