Hiar khynra bar Jylla, ka KSU sha Amlarem

Shillong: Ka Khasi Students Union  War Jaintia Circle  ka la pynlong ia ka jingkhynra bar jylla myn hynnin ka sngi, ka 18 tarik u Jymmang 2019 ha ki dukun bad ki jaka shna ing ha Amlarem.

Ia kane ka jingkhynra la ialam da u President ka KSU War Jaintia u samla Laitphar Singkrem bad la synran lang da ki nongialam na Central body u samla Raymond Jana bad Ohibait Dkhar.

      Ha kane ka jingkhynra la  lap  da ki phew ngut ki bar jylla ki ba wan bylla ha ki jaka shna ing bad ki dukan ki bym ia  ki kot ki sla ki ba biang.

      Na ka liang ka seng  KSU, ka la phah leit phai noh ia ki baroh sha ki jaka ba ki sah.

      Na ka liang ka seng KSU ka la maham jur ia ki dorbar shnong ba kim dei ban ai bsuh khlieh  ia ki bar jylla ha ki shnong bad kumjuh ruh ia ki contractor  ba kim dei ban wan ialam ia ki nong bylla kiba na bar Jylla.