Hiar ka Meghalaya, sha ka kyrdan ba lai, ha ka jing bym ioh kam

Mumbai: Ka jing shong khlem kam jong ki briew ha Meghalaya, ka dei kaba lai sha kjat duh, haba ia nujor bad ka India hi baroh kawei. Ka Meghalaya, ka don ia 1.5 percent, kiba shong khlem kam, katba kum ka jingkhein jong ka Centre for Monitoring Indian Economy (CMIE).

Ka Telangana, ka don tang khyndiat duh, kiba shong khlem kam lane kaba long 0.7% ha U Kyllalyngkot bad nangta ka bud sa ka Gujarat (1.2%), ka Meghalaya bad ka Odisha (1.8%). Kiba shong khlem kam, ki bun eh ha Haryana, da 23.4%, nangta ha Rajasthan da 18.9%.

Ka jingshong khlem kam jong ki briew, ka duna shibun ha U Kyllalyngkot, kaba long tang 6.57 percent, haba ia nujor naduh U Lber 2021, hadien ba ka Ri, ka la mad ia ka jingpang khlam kaba jur. Ka jingshogn khlem kam ha ki jaka sor, ka kham bun, kaba long 8.16 percent ha U Kyllalyngkot, katba ha ki nongkyndong ka long tang 5.84 percent. Ha U Nohprah, kiba song khlem ki long 7.91 percent, ha kaba ha sor, ki long 9.30 percent bad ha ki jaka nongkyndong, ka long 7.28 percent.