Shillong: U bah Alfonbirth Kharsyntiew General Secretary jong ka seng ki nongrep, Hill Farmer Union Central Body, ha ka 3 tarik u July 2021, u la wan jngoh hi da lade bad ia kynduh ruh ia ki nongrep shaduh Lyngka ban sngewthuh ia ka jingeh ki nongrep ha shnong Sohphoh, West Jaintia Hills bad ka thain hi baroh kawei. Ha kane ka jing jurip la synran lang ruh da u president ka HFU Thadlaskein Block I bah Mutshwa Thabah, ki nongialam shnong ba kynthup ia u Secretary Shnong U bah Foster Kharsahnoh, u Asst Waheh Shnong U bah Kishon Kharsahnoh bad ki Nongrep jong ka thain.
U bah Kharsyntiew u la ai jingiaroh ia ki nongialam jong ka HFU Thadlaskein Block ki ba la iarap ia ki nongrep ha kum kane ka saw ka sian ba ki nongrep ki ia kynduh ha kaba la pynsting ia ka jingkit bakhia jong ki nongrep da kaba iarap pyniaid iew ia ki mar rep. U bah Kharsyntiew u la iaroh ruh ia ki Nongialang ka Sohphoh Integrated Village Co operative Society ki ba la ioh ia ka Cold Storage lane ka jaka buh ia ki mar rep ia kaba lah iarap lyngba ka Maghalaya Basin Development Authority.
“Ka Shnong Sohphoh kan sa long ka nuksa (role model) ia kiwei pat ki shnong bad kiwei pat ki nongrep ha ka district bad ka jylla kum juh” ong u General Secretary ka HFU Central Body. U la kyntu ruh ia ki nongrep ban thaw ia ki co-operative society ha ki shong ki thaw jong ki khang ba kin lah ban ioh bun ki jingiarap na ki tnat sorkar bapher bapher.
Ka Kyrwoh na u President ka HFU Thadlaskein Block bah Mutshwa Thabah.
Phi don ban ong eiei?