Hiar jurip u CEM ka JHADC, ïa ka shnong Mukroh

Shillong:Ka Executive Committee ka Jaiñtia Hills Autnomous Dis trict Council (JHADC) hapoh ka jingïalam u Chief Executive Mem ber (CEM) ma Thombor Shiwat, hynnin ka sngi ba-ar, kila hiar ïuhkjat ha ka Shnong Mukroh West Jaiñtia Hills, bad jurip ïa ki jaka khappud ka Shnong katkum ka map 1968.

Ka EC haba poi ha Mukroh kala ïakynduh ïa ki riew rangbah ka Shnong bad hiar sha ki jaka khappud jong ka Sh nong ha shi linter ka surok Barato-Mukoi lum bad ha Zero Point ba la tip kum ka Mut ha Siang Kwai, kaba jngai kumba 3-4 km na Mukoilum Police Out post ka Assam.

Katkum ka map ba la pyni da ki riew rangbah ka Sh nong, kaba la pyn mih ha u snem 1968, la kdew shai ïa u pud u sam jong ka Shnong Mukroh.
Kat kum ka jingbatai ki riew rangbah bad ka map ba la pyni, la kdew shai ba ka Barato-Mu koilum bad ka surok kyndew ka dei ka Zero Point jong ka khappud Meghalaya bad Assam bad ka dang hab hapoh ka Shnong Mukroh bad ka jaka ba palat ïa kane ka hab hapoh ka Elaka Labang Nongphyllut.

Haba jurip ïa ka jaka ba jia ka jingther kuli ki Pulit Assam ba jia ha ka 22 tarik Naiwieng 2022, ka Executive Committee ka la pynlong ïa ka jingsngap ba shi minit ban kynmaw burom ïa ki san ngut ki mynsiem ba khlad.
Ka EC kala ïakynduh ruh ïa ki riew rangbah ka Shnong ban sngap ïa ki jingeh jong ki haba ïadei bad ka jingwan thombor jong ka Sorkar Assam pyrshah ïa ki.