Shillong:Ka HYC Thadlaskein Area Unit hapoh ka jingialam u President samla Phaitki Suna bad u General Secretary u bah Firstly Sari ryngkat ki dkhot ki la leit ban jurip ia ka surok na Ladmukhla sha Nongbah Kyndong Tuber hadien ba lah ioh ia ka jingujor jongki nongshong shnong halor ka jingsniew bad shah ieh jyndat khlem maramot la bun snem.
Kane ka surok kaba iaid lyngba ka shnong Mukhla ter ter shaduh Nongbah, ka lap ba la shah iehbien kumba la 11 snem mynta khlem maramot. La lap ruh ba ka jingsniew ka nang jur shuh mynta ha kaba ha ka por tlang ki nomgiaid nongieng ki hap mad ia ki pum pum bad ha ka por slap lah dap da ka um hapdeng surok. Kane ka la pynjynjar sohsat ia ki paidbah jong kane ka dong ka thain kiba iaid ba ieng lyngba kane ka surok.
Ka seng ka pynrem jur ia ka tnad PWD halor kane bad kyrpad ia u nongmihkhmat ka thain ba un shimkhia lem ban maramot moh kham kloi ia kane ka surok. Na ka liang ka seng kan iai buddien ia kane ka kam nad lada ka tnat ba dei peit halor kane kim leh ei ei, na ka liang ka jong ka seng na ka bynta ka bha ka miat jong ki nongshong shnong ka dong ka thain mgin sa shim rai da kumwei pat. Kane ka long ka kyrwoh na u bah Firstly Sari u General Secretary ka HYC Thadlaskein Area Unit.
Phi don ban ong eiei?