Shillong:Ka jingtuid ki briew nabar khamtam na Assam ka la hiar bha ha kine ki sngi naduh ba la shah pynthut ha kawei ka seng ha Umtyngar ha ka taiew ba la dep.
U MLA ka Sohra u bah Gavin M Mylliem haba kren mynta ka sngi, u la ong ba katkum ka jingtip kaba ula ioh na ki nongbuh ïing basa, ki nongpyniaid jaka jngohkai, la iathuh ba ka jingwan tuid ki nongwankai sha ka thain Sohra, ka la hiar jain rynjain ha kine ki sngi.
Lah ban kdew ba ha ka taiew kaba la dep, ka seng HNYF East Khasi Hills ka la bat khait ia ki kali kiba kit nongwankai nabar ha Umtyngar, halor ka jingkam, ba kine ki kali kila shu wan kamai sahuh sha kane ka jylla haduh ba ka la pynduh nong pat ia ki trai kali na kane ka jylla. Ka seng ka la dawa ba ka sorkar ka dei ban pyntreikam kumba leh ha jylla Sikkim, ha kaba ki kali kit nongwankai kin hap ban shu ieng ha kawei ka jaka haba ki rung sha kane ka jylla, bad ia ki nongwankai dei ban kit pat ki kali na kane ka jaka sha ki jaka jngohkai.
Haba pynrem jur ia ka jingleh ka seng HNYF, u bah Gavin u la ong ba ki nongwankai sha Sohra kim dei tang na India hynrei kiba bun ki wan nabar ri ruh bad kane ka jingleh ka seng, ka la pynduh nong ia ki trai shnong kiba kamai bad im na ka kam jngohkai.
“Nga pynrem jur ia ka jingleh ka seng HYNF East Khasi Hills. Na ka jingiathuh kiba pyniaid ia ki ïing basa, ki jaka jngohkai, ka jingwan ki nongwankai ka la hiar ha kine ki sngi naduh ba la khang ka HNYF”, la ong u bah Gavin.
very good indeed…Thank you Assam Maggi eating/thrash littering low budget tourist for not visiting again…We would appreciate that low budget tourist decrease and High tourist increase and carbon footprint/traffic jam come into control..
good job done by HNYF