Hiar dor jur, ka test corona ha Assam

Guwahati: Ka dor jong ka test corona, ka la hiar dor shi katdei ha Assam.

Mynta ka dor jong ka RT PCR, ka long tang T.1,200 bad ka dor jong ka Rapid Antigen Test ka long T.500.

Ha ki khyndiat sngi mynshwa, ka dor jong kitei ki test, ka long hapdeng T.3,500 haduh T.4,500 bad don ruh kiba shim haduh T.6,500 na bynta kawei ka test.

Ka jing pyntip, kaba la pynmih da U Samir K Sinha, Secretary Health Department ka Sorkar Assam, la pyntip ba ka dor jong ka RT PCR test, kan long T.1,000 bad yn siew tam sa T.200, lada yn leit ban shim ia kitei ki test ha ki iing jong ki briew.