Guwahati: U Himanta Biswa Sarma, myntri pla pisa ka sorkar Assam, ula pynbna mynta ka sngi, ba ka dor jong ka petrol, diesel kan hiar dor, da T.5 shi litar, naduh mynta ka miet.
La pynbna da U Sarma, haba leit rah ia ka mang pisa, vote on account na bynta u snem 2021-2022 ha ka iing dorbar ha Assam.
Ka dor jong ka petrol, ka long mynta T.90.17 shi litar bad ka diesel, ka long T.84.82 shi litar ha Assam.
U Sarma, ula pynbna ruh ba ka sorkar, ka la rai ban pynduna ia ka khajna jong ka kyiad da 25 percent, kaba la kyntiew kham mynshwa, ban bei pisa ia ka jingpang khlam covid 19.
Ka mang pisa vote on account, kan trei kam na ka bynta U Iaiong haduh U Naitung 2021, ha shwa ba kan wan ka elekshon dorbar Jylla ha Assam. Kane ka dorbar, kan trei kam na ka bynta lai sngi bad kan kut, ha ka 13tarik Rymphang 2021.
Phi don ban ong eiei?