Shillong: Ha Khasi Hills Autonomous District Council (KHADC), bun ki MDC kiba la kylla party bunsien ha kine ki sngi hynrei dei tang u Bah Teinwel Dkhar u bym pat ju kylla naduh ba u la jop ha u snem 2004 na ka United Democratic Party (UDP) haduh mynta.
U Bah Teinwel un iakhun ia ka kam Chairman ka KHADC lashai ka sngi na ka kynhun Khasi Hills Democratic Alliance (KHDA) ba ialam da u Chief Executive Member (CEM) u Bah Hispreaching Son Shylla, katba na ka liangpyrshah la thep da kyrteng da u MDC na Mawkyrwat u Bah Hadrian Lyngdoh na ka People Democratic Front (PDF).
Lada kam don jingkylla da kumwei pat, la sngewthuh ba u Bah Teinwel un rah suk ia ka kam Chairman ka Council.
U Bah Hadrian u jop MDC na ka UDP ha u snem 2013 hynrei u la phet noh sha ka Congress bad kham hadien u la phet sa sha ka PDF.
