Hato u tnga jongphi, u nguh ne em ha sla ‘jat ka kmie jongphi, kylli U Kapil ia ka Priyanka

Ha kine ki sngi, ka Priyanka Chopra, ka bunkam bha ban pyniaid iew ia ka phlim thymmai jongka, kaba ai kyrteng The Sky Is Pink. Ka Priyanka, haba ka don ha India, ha ki khyndiat sngi ba ladep, ka iakren bad U Kapil Sharma, ha ka prokram jongu, na ka bynta ban pynshai halor katei ka phlim ka ban sa mih shen.

Ha katei ka jing iakren, U Kapil Sharma, ula kylli ia ka Priyanka, ia kawei ka jingkylli bad katei ka long la u tnga jongka, U Nick Jonas, u nguh ne em ialade ha ki sla ‘jat jong ka kmie jongka, ka Madhu Chopra lane u shu ai tang ka dak jingdoh lane air kisses.

Halor katei ka jing kylli, ka Priyanka, ka jubab, da kaba ong “Dono ke beech mei! Bechara hug karta hai mummy ko!” lane kaba long ba u leh da ka rukom kaba kham iahap bad kata ka long ba u kdup ia la ka jong ka kiaw kurim. Ka Madhu Chopra ruh, kaba don lang ha katei ka prokram jing iakren bad U Kapil, ka mynjur ia ka jingkren ka Priyanka, da kaba shu kohnguh khlieh.