|
I danda ban pyrkhat bad pule ia ka jingmaham ka Seng Khihlang ia ki balang Khristan khamtam ia ka balang Katholik ban pyndonkam ia ki riam tynrai jong ngi kum ka jaitbynriew Khasi. Katkum ka khubor ba la thoh ki ong ba kane ka jingmaham ka ong kane ka jingpyndonkam ia ki riam tynrai, ka shad, ka put ka tem bad kiwei da ka balang Katholik khamtam, hana la sdang ha ki lai saw snem mynshuwa imat ka Seng Khihlang ka dei ka seng ki khynnah ba dang kha ha kane ka spah snem ba 21 namar kim bna ba ka shad paskha la sdang ha Pynursla la 30 snem tam mynshuwa, kim tip ruh ba ka kynhun jong ki khasi ba leit sha Vatican shispah snem tam ne duna mynshuwa ki riam da ka riam Khasi hana ki maham ban ym pyndonkam shuh ba ka dei ka hok longtrai jong ki. Kumba don ba ong ba ka seng Khihlang ka don jingiadei ba jan bad ka RSS imat ka dei shisha(nga nguhlet lada nga bakla, nga kloi ban pynbeit katba shong ka Nia) namar lada u Modi u riam khasi jar kim ong eiei imat ba dei u RSS bad lada ka Sonia Gandhi ka riam khasi shuwa ka election kam ong eiei lada ma ngi ki khristan ngi pyndonkam ia ka riam, ka put ka tem, ka rwai ka siaw ngi shah maham ha ka Seng Khihlang. Ka Seng Khihlang ka maham ba la pyndonkam ia u syiar ryngkuh ha ka sopti tyrwa jingknia(chasuble) ki lyngdoh ba dang shu shah pynkyntang nga kwah bad tip la hato u syiar u dei ka hok longtrai jong ka (copy right) Seng Khihlang? Lada u syiar ryngkuh, ka riam ka beit, ka put ka tem ka dei ka hok longtrai (copy right) ka seng Khihlang nga shu ai jingmut ba lada don kiba pyndonkam khlem ka jingmynjur jong ki ba kin ujor sha ki bor ba dei peit. Hooid ngi ki khristan Katholik ngi ju kiew lum sohpet bneng tangba ia kane ngi leh la palat phew snem tam mynshuwa bad lada ka seng Khihlang ka kwah ban tip ia ka daw balei ngi kiew nga kyntu ban pule ia ka kot ka jingim bad jinghikai u Phadar Sngi ba la thoh da u Sohblei R. Kharkrang, i kumba ka seng Khihlang kan ong ba ngi ki khristan ngim dei shuh ki khasi hato dei pynban ka seng Khihlang ne ka seng pynpra jaitbynriew. Nga kyrpad rit ba ka seng Khihlang kan ym khim jingmut than ha kaba iadei bad kane ka bynta.
(Lada nga bakla nga kloi ban nguhlet bad bad pynbeit katba shong ka nia bad nga kwah ban ong ba nga thoh ia kane ka jingthoh kum u riewshimet ym kum u nongmihkhmat(representative) ka balang Katholik)
EN Khongwar
|