Shillong 27 Rymphang: Ka Deputy Commissioner jong ka East Khasi Hills ka Kong RM Kurbah ha ka 27 tarik u rymphang 2025 kala pynbam smai ia ki 29 ngut ki MDC kiba la shah jied thymmai ban mihkhmat sha ka Iingdorbar hapoh ka Khasi Hills Autonomous District Council (KHADC).
Napdeng ki 29 ngut ki MDC ba thymmai, kynthup ki 17 ngut ki dei ki MDC ka VPP, 5 ngut jong ka UDP, 4 ngut ka NPP, HSPDP-1 bad MDC shimet arngut.
Kine ki MDC ki kynthup ruh ia 4 ngut ki longkmie – ka Kong Grace Mary Kharpuri na Nongshken, ka Kong Rona Khymdeit na Nongpoh, Kong Deity Majaw na Malki- Laitumkhrah bad ka Kong Aibandaplin Lyngdoh Nonglait na Mylliem Constituency.
“Hashwa ban bam smai ka Deputy’s Commissioner ka kong RM Kurbah haryngkat baroh ki MDC ki la iengkang ban rwai ia ka jingrwai “Ri Khasi Ri Khasi”.
Ki MDC ba thymmai ki la wan iwei hadien iwei ban bamsmai ban long kum ki MDC bapura hapoh ja District Council.
Phi don ban ong eiei?