Hapoh shibnai aipor ka FKJGP, ia ka NHAI ban maramot ia u surok ba sniew naduh Lumshnong haduh Malidor

Khliehriat:Hapoh shibnai lada ka seng kam iohi ia ki dak ba ka Company NHAI kan maramot ia utei u surok ba sniew shaba palat naduh Lumshnong haduh Malidor ka seng kan leit khang shi syndon ia ka Toll Gate Lum khajna jong katei ka Company kaba don ha Lumshnong, ka seng ka pynpaw ruh ba lada katei ka Company kam lah ban pynbha ia u surok ban buh iaka Toll gates lum khajna ruh kam don hok.

Ha kane ka jingleit buh jing dawa la iadonlang ruh da u President ka FKJGP Khliehriat Circle u Bah Michal Chyrmang bad u General Secretary u bah Fullmoon Nongtdu.