Shillong:Ka HYC Shella Area Unit ha ka 22tarik Nailur 2021 ka lah phah ïa ka dorkhas sha u Executive Engineer, PWD Roads, Sohra Division ban ujor pyrshah ïa ka jingleh torti jong ka Kompeni Airtel kaba lah tih ïa u surok na Saikarap sha Shella ban thep ïa ki Cable wire ki jong ki.
Ha katei ka jingtih, katei ka Kompeni ka lah shu ieh khlem da pynshna biang ïa ka surok kaba lah wanrah pat ïa ka jingeh ïa ka ïaid ka ïeng jong ki paidbah bad buh jingeh pat ïa ki kali kiba pyndonkam ïa une u surok haduh ba ki kali ki lah sahkut bad julor ha kine ki sngi naduh ba katei ka Kompeni ka la pyntrei ïa katei ka kam.
Ka Seng ka lah dawa na u Engineer ba un hukum ïa katei ka Kompeni ba kan maramot noh hapoh shi taïew ïa utei u surok shilynter naduh Saikarap shaduh Shella ïa ki jaka kiba ka Kompeni kaba lah tih bad pynjulor lym kumta ka Seng kan hap shim ïa ki rai kiba eh ban pynpaw ïa ka jingpyrshah ka jong ka na ka bynta ka bha ka miat jong ki paidbah ka dong ka thaiñ.
Na ka liang ka Seng ka khmih lynti ba na ka liang u Engineer ka PWD un leh ïa kaba donkam bad kham kloi hapoh ka por kaba lah buh, ong ka kyrwoh na u General Secretary ka HYC Shella Area Unit, Samla Seiborlang Diengdoh.
Phi don ban ong eiei?