Hapoh shi snem, iap 12 mynsaw 39 ha Shillong Bye Pass

Shillong,23 Iaiong:
Ka HANM, Women’s Wing ka la ong ba katkum ki ripod ba ka la ioh tang hapoh shi snem ki la don haduh 12 ngut ki briew kiba la iap bad 39 ngut kiba la mynsaw ha ka surok ba ka sorkar ka la thaw thymmai ‘Ka Shillong Bye Pass’. Ka HANM ka la kynnoh ba kitei ki jingiap bad ki jingmynsaw ki dei kiba la jia na ka jingbym don ki jaka jam na shiliang surok sha shilliang namar bay m shymg la buh ia u lain lieh ‘Zebra Crossing’, ki Speed Breaker bad ki lynti iaid kjat kiba biang bad kitei ki dei ki daw ba wanrah jingmynsaw ia ki paidbah khamtam ki khyn nah skul kiba iaid lynti na jan ka surok Bye Pass. Halor katei ka byngta ka HANM ka la leit ban ia kynduh ia u Myntri ka Tnad PWd u Ma Sniawbhalang dhar ha kaba na ka liang u Myntri u la kular ban shimkhia ban phah da ka jingthoh sha ka NHAI.
Kum shi bynta ban pyrshah ia ka tei ka jingjia kaba la jia ha shilynter ka surok Bye Pass ka HANM ha ka 21 tarik u bnai ba la dep ka la pynlong ia ka jingiaiaid Rally ha Shillong Bye Pass ha Umroi Mini Stadium ha kaba la wa ban ia shim byngta da ki khynnah skul, ki nongshong shnong bad ki bor pulit. Ka HANM ka la dawa ba ka sorkar ka dei ban shna noh ia ki lynti iaid nalor ka surok ne ka fly over ha kajak ba don ki skul. Halor katei ka jingdawa ka la phah ruh da ka jingthoh sha ka tnad sorkar ban pynurlong ia katei ka kam.