![](https://www.urupang.com/wp-content/uploads/2024/07/image-89.png)
Shillong:Ka jingiakynduh jong ki 10 tylli ki Autonomous Council kiba don ha thain shatei lammihngi ka India ia u myntri ka tnad kam pohiing ka ri u Amit Shah ha nongbah Delhi mynhynnin ka sngi, ka long kaba seisoh.
Haba kren sha ki lad pathai khubor, u CEM ka KHADC u bah Pyniaid Sing Syiem u la ong ba u Amit Shah ula kular ban pyndep ia ki jingdawa jong kine ki 10 tylli ki Autonomous Council hapoh shi bnai kaba mut hapoh ka 25 tarik u Nailar ban wan halor ka jingpynkhreh ban wanrah ia ka jingpynkylla ia ka Sixth Schedule ka riti synshar ka ri.
U bah Pyniaid ula ong ba la thaw ruh ia ka Committee halor kane, kaban khlieh u myntri khynnah ka tnad kam pohiing ka ri ban pynbit pynbiang ia ki jingdawa jong kine ki 10 tylli ki Autonomous Council bad ki Autonomous District Council.
Ha kajuh ka por, u la pyntip ba ka jingialang kaba ar jong baroh 10 tylli kine ki Autonomous Council bad ki Autonomous District Council kan long ha ka 10 tarik Nailar 2024 ha Shillong.
Ki 10 tylli ki Autonomous Council bad ki Autonomous District Council ki long ka KHADC, JHADC bad GHADC ha Meghalaya, ka Mara, Lai bad ka Chakma Autonomous District Council ha Mizoram, ka Tripra Autonomous District Council ha Tripura, ka Bodoland Territorial Autonomous Council, Dima Hasao Autonomous Council bad ka Karbi Autonomous Council ha Assam.
ko pyniaid kynmaw ioh me leit die iaka jaidbynriew te nahoi,nahoi mo..One more thing wat wabrah khubor ba ailad iaki unreoresentative tribes ba kin iohlad..Ngim accept bad ngi nym ailad da lei2..
Next election you are shongkhop.