Shillong:U Symbud Myntri Rangbah ba khmih ia ka tnat District Council Affairs (DCA), u Bah Prestone Tynsong u la ong ba ka jingpynkhreh ia ka election MDC jong ki artylli ki ADC ka la iaid shakhmat, bad ha kajuh ka por u la pynshai ia ka jingpynjlan biang ia ka election sa 6 bnai ka long namar kan nym lah ban pyndep ia ka jingpynkhreh tang khyndiat por.
U la ong ba ka jingpynjlan sa 6 bnai ia ka samoi jong ka KHADC bad JHADC kan kut ha ka 5 tarik Lber 2025, bad shwa ka kane ka por hap ban pyndep noh ia ka election.
U la ong ruh ba kane ka jingpynjlan ia ka samoi treikam jong ki ADC la leh katkum ka aiñ ba la ai bor hapoh ka riti synshar, bad ka jingpynjlan lah ban leh tang haduh 12 bnai, bad lada hapoh ka 12 bnai ba la pynjlan ym pat lah ban pynlong ia ka election kan wan noh da ka synshar administrator ha ki ADC.
U Symbud Myntri Rangbah u la ong ba hadien ba la pynbeit ia ki constituency la hap ban pynbeit ruh ia ki electoral roll, bad ki District Council ki hap ban pynrung ruh ia ki constituency thymmai hapoh jong ka AD Rules, bad kawei pat kaba hap ban leh ka long ban wanrah ia ki EVM ia kiba la pan na ka tnat election ka ri kan shim por la kumno kumno palat 3 bnai shiteng.
Ha kajuh ka por u Bah Prestone kyntait ia ka jingkynnoh ba ka jingpynjlan ia ka election kadei namar ba tieng ioh shah rem, ha kaba u la ong ruh ba ha ka election ka shong ha ki kyrtong bad ki paidbah kiba rai.
ba tieng palat ia u Prah te pynjlan shi pynjlan tangba baroh kine ki dang pynshrai ia u paidbah. .Ngi dei ki silent voters da kynmaw..Pisa bad kaei2 ruh ka nym treikam bad ngi..Ngin ieng haka bor jong u Blei.