Hapoh ar snem, yn pynbeit ia ka jing ia kajia pud ha ki Jylla shatei mihngi, ong U Shah

Guwahati: Ka jing ia kajia pud hapdeng ki jylla bapher ka thain shatei lam mihngi, yn pynbeit shi syndon ha shwa ba ka India, kan rakhe ia ka lyngkhuh 75 snem jongka, ong U Amit Shah, myntri kam poh iing ka sorkar India, haba iakynduh bad ki myntri rangbah bapher jong kane ka thain hynnin ka sngi.

U Shah, u ong ba ka sorkar India, ka la nang pynkhreh pynkhrum ialade, halor kane ka phang, ha kaba u kwah ba yn lah ban pynbeit lut noh khoit ha shwa ka jingrakhe jingdap 75snem ka ri, ka ban dei sa ar snem mynta.

Ki myntri rangbah jong ka thain shatei lam mihngi, ki la ia kynduh ia U Shah, hynnin ka sngi, ha ka por ba pynlong ia ka jingialang jong ka North East Democratic Alliance (NEDA) ha Guwahati, ha ka jingialam jong U Himanta Biswa Sarma, uba dei ruh u lamkhmat jong ka NEDA.