Shillong: Mynta ka sngi ka United Democratic Party ka la khot ia ka jingialang ha kaba ka la shim ia ka rai ban pan ka jingpynshai hapoh ka 24 kynta na u bah Paul Lyngdoh bad u bah Teibor Pathaw halor ka jingleit ai jingkyrshan jong ki ia u CEM ka KHADC u bah Latiplang Kharkongor.
Ha ba ia kren bad ki lad pathai khubor na ka liang u Dr Jemino Mawthoh General Secretary ka party UDP u la iathuh ba na ka liang jong ka party UDP ka la shim ia ka rai ba kan ai por 24 kynta ia u bah Paul Lyngdoh bad u bad Teibor Pathaw ba kin pynshai sha ka party ha lor ka jingleit kyrshan ia u bah Latiplang Kharkongor.
U la ong ba “Mynta ka mied hi ngin phah ia ka shithi sha u bah Paul Lyngdoh bad u bah Teibor Pathaw ba kin pynshai ia ka party halor ka jingleit kyrshan ia u bah Latiplang bad hadien ba ngi la ioh ia ka jingpynshai ngin sa shong bishar.”
U la ong ruh ba lada u bah Paul Lyngdoh bad u bah Teibor Pathaw lada ki ai jingpynshai ne kim ai kano kano ka jingpynshai ka party kan sa shong biang ia ka jingialang hadien ka 24 kynta.
U la ong ruh ba ka Party ka don la ki jong ki kyndon trei kam ha ka ba kino kino ki ba pynkhein ia ka kyndon jong ka rukom trei kam ka party kin hap ban shah bishar kat kum ki kyndon jong ka rukom trei kam ka party hynrei kata kan long hadien ba la ioh ia ka jingpynshai jong ki.
Well done bah Paul, you are a brilliant politicians