Hapdeng ka pakhang shnong, shah tuh 10 song ka kyiad na ka dukan ha Baridua

Shillong: Da ka jing shim kabu ia ka jing kynjah ha ka jing pakhang shnong, ki briew ki bym lah ban ithuh hynnin ka miet ki la ioh ban tuh na ki 2 tylli ki dukan ki ba don ha 9 mile Baridua Ri Bhoi District. Kane ka la jia ha ka por kumba 9:30 baje mynmiet, katba ka shnong ka thaw ka dang kynjah naka jing pakhang shnong.

Ki nong tuh ki la ioh ban prong jubor ia ki ar tylli ki dukan ka ba don ha 9mile Baridua Ribhoi District da kaba ki la pynpait ia ki tala jong ki kine ki dukan.

Ki dukan ki ba la shah tuh ka dei kaba la tip kyrteng kum ka S.P Store bad kawei ka dei ka wine store.

Kat kum ka jing iohi na ka CCTV u trai dukan u la iathuh ba ia kine ki briew la ju iohi, ba ki wan swait ha kine ki 2 sngi lynter por mynsngi, hynrei hynnin ka miet ki la ioh ban tuh na kine ki dukan.

Na kine ki dukan une u briew u la ioh ban rah ia ki kumba 10 case ka kyiad phareng bad ia ka pisa kaba 65 hajar, katba na ka S.P store u la ioh ban rah tang ki slasha bad ki sikret bad ki pan masala.

Na ka liang jong ki trai dukan ki la ujor da ka ehajar ha Khanapara police station bad ki pulit ki la sdang iaka jing tohkit ban ioh ban kem ia u ne u briew.