Shillong: Ka Khasi Students’ Union (KSU) Mawkhar Circle hapoh ka jingialam u samla Robert Dkhar, Asst. Organising bad u samla Newton, Finance secretary, ryngkat ki katto katne ki dkhot ka seng na Mawkhar Circle bad ha ryngkat bad kiwei ki Unit, ki la ïoh ban hiar khynra kynsan ïa ki bar jylla kiba shong die madan beaiñ wat ha kum kane ka por ba ka sorkar ka dang pyrkhing jur ïa ka khangdam hapoh ka East Khasi Hills District bad ha kylleng ka jylla hi baroh kawei.
Ha katei ka jingleit khynra ka seng ka la lap ba ki don kynrei ki bar jylla kiba ïoh shongdie madan beaiñ ha kylleng ka sor shillong naduh ïewduh shaduh Khyndai Lad, kumta ki dkhot ka seng ha katei ka jingleit khynra ki la ïoh ban shim ïa ki kyrteng bad ki jaka sah jong kitei ki bar jylla, hynrei kaba pynsngew lyngngoh pat namar ba kumno kitei ki bar jylla ki ioh ban shong die jingdie madan haba ki jaka shong jaka sah ne ka shnong jong jongki ka dei naduh Laban, Lum Pademsngi (Bishnapur), Nongmensong, Pynthor bad ki don kiba wan naduh Assam bad Bihar.
Shuh shuh kaba kham pynbitar ïa ka seng ka long ba ki don ruh shibun ki dkhar kiba shu wan shong dih kyiad sadhai ha iewduh manla ka sngi katba na ka liang ki Pulit Syiem bad ki pulit Sot, ki shu peitkai khlem leh eiei. Kumta ka seng hadien ka jingioh ujor na ki paidbah, namar ka jinglaitlan palat kitei dkhar, kumta hi marmar khlem pynslem, ka la pynlong ïa ka jingleit khynra bad lalap ïa ka jingshisha baroh ha katei jingkhynra, kumta na liang ki dkhot jong ka seng ki lah ïoh ban beh noh ïa kitei ki dkhar ba ju shongdie kyaid laitluid hapdeng ïewduh wat ha kum kane ka por ba ka sorkar ka pyrkhing jur ia ka khangdam.
Lyngba ka kyrwoh, ka KSU Mawkhar Circle ka pynrem jur ïa ka jingai laitlan ki bor pyniaid district ïa kitei ki bar jylla ban shong die jingdie beaiñ bad ban shong dihkyiad sadhai khlem jing pynshitom, katba kaba sngewsih par ba ïa ngi ki Khasi kine kine kumjuh ki bor sorkar ki beh kthong kham palat ban ïa ki ksew. Kyntang iawai ka seng ka pynpaw ba kan ym shong kli kti bad kan ïai kyndang naphang beit lada ki dang don ki barjylla kiba kamai spah beaiñ nangne shakhmat.
Ko seng bhalang nai beh ia ki Khar rit Khar Ria beh ia ki khar Marwari bad mahajon ba heh ki ba ia dei bha bad ki minister bad ki officer jng ka income tax ne ki pulit. Lada phet u heh ki rit ki ria ki phet hi um dnkam ban beh. Pyndon kam ka jabieng. Wat ia Leh biet kumne