Shillong: Ki dkhot ka KSU South West Khasi Hills District ha ka janmiet jongka 11tarik Jylliew 2020, ki la ioh ban bat ia ki 3 ngut ki bar jylla ba wan na Assam ha Ranikor kiba thmu ban wan die jhur sha Nongjri.
Kine ki dkhar la tip kyrteng kum u Gopal Nath ,Bisnu Das, Akash Thapa kiba dei na jylla Assam.
Nangta ha ka step jongka 12 tarik Jylliew 2020, ki dkhot ka KSU South West Khasi Hills District ki la ioh ban bat sa ia ki 4 ngut ki bar jylla ba dei na Chennai bad Assam na kawei ka jaka ba khot Mawpon kaba jngai tang kumba hapoh 1 km na ka ophis jongka Deputy Commissioner South West Khasi Hills District. “Ka seng ka sngew lyngngoh ba kumno naduh Chennai bad Assam ki ioh ban wanrung laitluid bad leh mynleh wan trei wan ktah ban shna bording kata ruh ha khmat ophis jongka DC bad ma ka bad ki bor District pat ki leh matlah ia kane” ong ka kyrwoh jong ka seng.
“Kane ka jingbat da ki dkhot ka seng ia ki 7 ngut ki bar jylla kiba trei bad rung laitluid hapoh ka District ka pyni ba ki bor District ka South West Khasi Hills District ki la fail ban teh lakam bad ka pyni ruh ba ka DC ka shu pyniaid kulmar da kaba Pyrkhing tang iaki trai Shnong kiba haka jingshisha dang lah ban tip iaka leit ka wan jongki hynrei ki pyllait laitluid pat ia ki bar jylla kiba ki tip shai ba kin nym lah ban track iaka leit ka wan jongki” ong shuh ka khubor.
Ka KSU South West Khasi Hills District ka kynthoh jur ia ka bor District jongka South West Khasi Hills District bad ka sorkar ba ka jingong Highly skilled labourers ka dei tang kaba paw shabar, hynrei ka jingthmu ka long ban pynrung laitlan kat ia u bar jylla ba kwah ban wan hapoh jongka South West Khasi Hills District, ong ka kyrwoh na U bah Forwardman Nongrem, President, KSU South West Khasi Hills District.
Kaei ka jubab naka sorkar bad ka police department haba ki sengbhalang ki iohbat ia ki dkhar kibym don kot don sla ba biang ban rung sha ka jylla jong ngi, hato kan kam beit ba ki dei kita ki briew company sorkar, hato ka sorkar kan bteng beit ban dung namsarang iaki sengbhalang, ki paitbah ki dei ban bishar bniah iaki kam ka sorkar ymban sngap ia ka jingpynthame ki pulit,
Pyndeng tala na khmut.
Ym tip shuh don aiu sha lyndet haba myn hakine ki sngi bym pat don ba ioh ia une covid-19 ka sorkar ka pyrkhing bha iaka plei iew plie hat ne ki dukan shnong shi sien shi taiew ruh daka side,iaka iaid ka ieng ruh pyrkhing bha,halor ba ong hana ia ka ban phriang ka jing pang lah ka ba set ha rohnar,mynta pat ba lah bun u nongpang pyllait lan nadong shadong.tip don aiu sha lyndet saia pyrkhat lem phi baroh kiba nang bastad mo.