Ka ju don ka khep, ha kaba ka wan poi ka kabu ksiar ha ka jingim briew bad katei ka leit jia ia uwei u briew ha Indonesia.
Ka khubor ka iathuh ba U Josua Hutagalung, uba dei tang u nongshna synduk iap briew, ula kyndit tyngeh, haba ka la don ka jing sawa kaba jubor bha, kaba leit tied ia ka tnum iing jongu. Katei la jia ha U Nailar jong une u snem bad ha katei ka jingjia, ula leit sangoh tyngeh uwei u maw kordor uba remdor bha, uba khia 2.1 kilo. Ka tnum ba shah sangoh ha utei u maw kordor, ka la pra lyngkot ha ka shnong Kolang, kaba don sha North Sumata jong ka Indonesia.
“Ka jing sawa ka la jubor palat, ha kaba wat ka iing ruh ka khynniuh. Ynda nga leit peit bha, nga lap ia ka tin, kaba la pra lyngkhot” ong U Josua bad la iathuh ba utei u maw kordor, u leit hap ha khyndew, ha kaba ka bor jong ka jing sangoh jongu, ka pynpei thliew ia ka khyndew da ki bun inshi.
La iathuh ba utei u mawdor, da u maw meteor, uba la tip da ka kyrteng CM1/2 carbonaceous chondrite bad u dei uba la don la 4.5 snem ka rta jongu bad u dei u bym juh kham lap satia ha ka pyrthei, ha kaba ka dor jongu, ka long 645 pounds shi kram lane T.63,000.
La iathuh ba U Josua, ula ioh kamai na utei u maw kordor haduh 1 million lane kaba long T.9.8klur bad ula die ia utei u maw sha uwei na ki heh spah na America, U Jared Collins uba na United States.
U Josua, u iathuh ba mynta, un sangeh noh, na ka kam misteri, ha kaba shna synduk iap briew bad ula rai ruh ba un thaw ia ka iing mane kaba thymmai ha katei ka shnong, na katei ka pisa kaba u ioh, na kaba die ia utei u maw kordor.
Phi don ban ong eiei?