Ki shipai jong ka Italy, ki hap ban rah synduk iap briew bad thep ha ki trok shipai, na ka bynta ban leit tep, namar ba ki riew paidbah, kim lah shuh ban shimti ia katei ka kam, namar ka jingbun eh kiba iap, na ka jingpang coronavirus.
Ha kawei ka jingleit on tep kaba la jia ha ka nongbah Seriate, la iohi ia uwei u lyngdoh niam, uba dang lehniam ia 45 tylli ki synduk ha ka iingmane jong ka San Giuseppe.
Ia kitei ki met iap, hap leit kit sha Ferrara, kaba don ha Emilia-Romagna, amar ba ka jylla ba ki don ha Bergamo, kam lah shuh ban tep ia kitei kiba iap ha katei ka Jylla lajong bad la iathuh ba katei ka parish ha San Giuseppe, ka lah ban tep tang ia ki 80ngut ki briew ha ka jaka jongka.
Ka jylla Bergamo, ka don ia 6,700ngut kiba ioh pang corona bad ki don da ki bun phew ngut kiba la iap.
Phi don ban ong eiei?