Hap slap 25.2mm mynta ka sngi ha Shillong

Shillong: Mynta ka sngi, ka don ka jinghap slap kaba jur lem bad ka jinghap phria, ha ka nongbah Shillong bad ha kylleng ka Ri Khasi Jaintia.

Ka Shillong, ka mad ia ka jinghap slap, kaba 25.2mm mynta ka sngi, haba khein naduh ka por 8.30 mynstep, haduh ka por 2.30 nohsngi mynta ka sngi. Ka Sohra kam don slap satia, katba ka Umiam, ka ioh ia kaba 4.6 mm.

Ka jingshit jingkhriat mynta ka sngi, ha Shillong, kaba shit eh, ka long 14.6 degree centigrade bad kaba khriat eh, ka long 7.1, ha Sohra, kaba shit eh, ka long 19.7, kaba khriat eh, ka long 7.0, ha Umiam, kaba shit eh, ka long 20.0 bad kaba khriat eh, ka long 5.6degree.

Ka India Meteorological Department jong ka sorkar India, ka pyntip, ba kan don ka jinghap slap, hap phria bad ka jingmeh leilieh, ha ki bynta jong ka jylla.