Hap sangeh kam, ki karkhana nar ha sawdong ka Jamshempur, hiar ka jingdie kali ka Tata Motors

Ki karkhana ha sawdong ka Jamshedpur, kynthup ia ka Adityapur Industrial Area (AIA) housing auto ancillaries, ki la hap ban sangeh trei kam ha kine ki sngi bad ka daw, ka long namar ba ka hiar shibun ka iew ka hat ha u bnai ba ladep bad la iathuh ba ki dang don sa haduh 30 tylli ki karkhana kompeni, kiba la dei ban khang noh, nalor ki shi dorjon tam, kiba la dep khang ha ka sngi palei ba ladep.

Ka jinghiar jong ka iew die kali, ka la pynlong ia ka Tata Motors, ba kan khang ia ka jingtrei kam jongka, ha ka sien kaba saw naduh u bnai ba ladep bad katei ka long ba la khang naduh ka sngi palei haduh ka sngi saitjain, kynthup ia ka Sngi U Blei, kaba dei ka sngi shuti. Ka kompeni, ka la bthah ruh ia ki nongtrei jongka, ba kin shong iing na ka bynta 12 sngi, ia ki nongtrei kiba shipor, kiba don kumba 1,000ngut, katba ki nongtrei kiba pura kin sdang leit trei, naduh ka 5tarik Nailar bad kitei kiba shi por, kin sdang ha ka 12tarik Nailar.
Ka khubor jong ka Tata Motors, ka iathuh ba ha kine ki ar bnai ba ladep, ka jingtrei kam bad pynmih mar jongki, ka long tang 15 sngi ha ka shibnai bad na bynta U Nailar, la iathuh ba ki la bthah ban trei kam tagn shitaiew.
Kawei na ki daw jong ka jingkhang kitei ki kompeni, ka dei na ka jingkiew dor eh ka bai ding ilektrik, ha kaba ki kompeni, ki hap ban trei kam lyngba ka jing don pahuh jong ka ilektrik.
U Inder Agrawal, President ka Aidtyapur Small Industries Association (ASIA), u iathuh ba ka jingthied kali, na ka Tata motors, ka hiar haduh 40 percent ha U Naitung 2019 bad u iathuh ruh ba ki don mynta 25-30 tylli ki karkhana kiba trei kam nar, kiba la khang noh bad ka daw, ka long namar ka jingkiew dor palat ka jingthang ding ilektrik, kaba kiew sha ka 38 percent naduh U Iaiong 2019.
U President ka Laghu Udyog Bharti (LUB), U Rupesh Katiyar, u iathuh ba palat shi hajar tylli ki kompeni, ki la shah ktah na ka jingkiew ka bai ding ilektrik bad kitei ki dei ha Jamshedpur, Adityapur bad ha Dhalbhumgarh bad kane ka la pynduh kam ia kumba 30hajar ngut ki briew ha kitei ki nongbah.