Hap pynsangeh ia ka Phainal MPL bad Fight Night ha Mowkyndeng na ka daw u ‘Lapbah

Jowai: Ka Dorbar Shnong, Madankynsaw Mowkyndeng ka la hap ban pynsangeh noh ia ka jingialehkai Football MPL bad ka Fight Night tang namar ka jingtwa ka Gallery na ka daw ka jingther u lapbah khlem sangeh ha kine ki ar sngi.

U Rangbah shnong u la iathuh ba ha kine ki ar sngi, u lapbah u la pynsniew ruh ia ka madan ialehkai jong ka shnong bad ha kaba iadei bad ka Fight Night kaba dei ka jingialehkai Boxing ruh la hap ban pynsangeh namar ba ia katei ka jingialehkai hap ban pynlong ha bar ym hapoh hall lane Indoor Stadium.

Na ka liang ka Executive Committee ka Dorbar Shnong ka la pynpaw ia ka jingsngewdiaw halor kane bad ka la kyntu ia ki paidbah kiba ieid ban sakhi ia kitei ki jingialehkai ba kin iaishah bad ka Dorbar Shnong.
La iathuh ruh ba ia kine ki program yn sa pynlong shen hapoh kane ka taiew hadien ba la dep ban maramot ia katei ka Gallery bad ynda la rang ka bneng.