Hap phikir ïa ki ar shaka; ba shah tuh, ai jingmaham ki pulit

Shillong:Ka Mawlai Police Station (MPS), ka la phah ïa ka jingkyntu sha baroh ki Rangbah Shnong ka Mawlai Pyllun, ba kin bthah lem ïa ki nongshong shnong ba don ïa ki kali arshaka, ba kin da phikir bha ïa la ka mar namar ka jingjur ka jingïatuh kali arshaka ha ka thaiñ.

Kane ka jingkyntu ka la mih hadien ka jingshah tuh ki katto katne tylli ki thuk thuk/scooty dang shen na ka thaiñ Mawlai bad ka jinglap da ki Pulit ïaid pahara, ïa ka jingdon bun bah ki briew kiba set ïa ki thuk thuk/scooty harud surok ha ka por mynmiet.

Katkum kane ka jingkyntu, ki Pulit ka Mawlai Police Station kila pyntip ba ka jingshah tuh ki thuk thuk bad scooty kala jia jan man ka mied ha ka thaiñ Mawlai bad ha kiwei kiwei ki jaka jong ka Nongbah Shillong.
“Kumta lah kyrpad ïaphi sngewbha ban pynsngewthuh ïa ki trai bike/scooty kiba shong basah ha shnong ba kim dei ban park (pynïeng) ïa ki bike harud surok ne ha kino kino ki jaka bym long shngaiñ khnang ba kan lait na ka jingshahtuh. Nalor kaba lock donkam ruh ban teh da ki kynjri kiba skhem ban lait na ka jingduh nong jongki trai,” ong kane ka shithi ki Pulit.

Ha kane ka shithi, ki Pulit ka Mawlai PS kila pyntip ba ha ka jingïaid pahara mynmiet ba ju pynlong ha manla ki shnong ka Mawlai ban tem ïa ki kam sniew, ka kynhun pahara kala lap ba ki don bun ki thuk thuk/scooty kiba set ha surok bad kiba lah ban dei ki kabu ksiar ïa ki nongtuh.
Kila pyntip ba ha Mawlai Nongpdeng ki don haduh 6 tylli kiba set ha surok bad kine ki kali arshaka ki don u Nombar:-ML 05 N- 5279 (bike), Ml05-Z- 7528(Ntorq), ML05 S 6440 (Duet), Ml05 R 3090 ( Jupiter), Ml05 N 2855 ( gusto), ML05 z 0454 ( Ntorq).

Nongkwar :- Ml05 S 6457 (rayz), Mlo5 P 3304 (gusto), Rymbai petrol pump-Ml05 M 8346 (adventure) , Ml o5 w 9589 (zr Yamaha), Ml05 u 8812 (zr Yamaha)
Nonglum: – Ml05 M 2147- R15, Mlo5 N 2714 (scooty) , Ml: 05 N 9024 (scooty).
Pata – Ml: 05 S 0991 scooty
Kyntonmassar :- Ml: 05 Y 3550, Ml: 05 M 6114 (gusto) bad Ml: 05 S 6476 (Ray z).
Ki Pulit ki la kyntu ïa ki trai ba kin long kiba husiar ïa la ka jong ka mar ka mata.