Hap ka liengsuin ka China bad 133ngut ki briew

Ka liengsuin jong ka China, ka China Eastern Airlines 600115.SS, kaba don bad 133 ngut ki briew, ka la hap ha ki lumbah ha ki bynta ba shathie jong ka China, mynta ka sngi, katba ka dang leit na Kunming sha Guangzhou, ong ki lad khubor.

Katei ka liengsuin, ka dei ka Boeing 737 bad ym pat tip satia, la kiba don ha ka liengsuin, ki la iap ne em, ong shuh ka khubor. Katei ka liengsuin, ka dei kaba dng 6 snem ka rta.

Ka liengsuin, ka mih na Kunming sha Guangzhou, ha ka por 1:11 p.m. (0511 GMT), la pyni ha ka jingioh khubor ha ka FlightRadar24. Ka jingioh khubor, ka kut noh ha ka por 2:22 nohsngi (0622 GMT) ha ka jingjrong kaba 3225 phut bad ka jingiaid stet kaba 376 knots.