Hap ka liengsuin jong ka Pakistan bad 100ngut ki briew

Ka liengsuin kit briew jong ka Pakistan, kaba kit ia 100 ngut ki nongleit jingleit, ka la hap mynta ka sngi, ha ka jaka sah briew ha Karachi bad la shim ba baroh kiba don ha ka liengsuin, ki la iap lut.

Ka liengsuin, PK 8303 ka don 99 ngut ki nongleit jingleit bad phra ngut ki nongtrei, ong kiwei pat ki lad khubor.

Ha ka dur, la iohi ia ka tdem kaba dang lynguh na katei ka jaka, ha kaba la shim ba ka liengsuin, ka la ingkhong, na katei ka jingjia.

Katei ka liengsuin, ka iaid na ka nongbah Lahore ban leit sha Karachi, kaba don shathie jong ka Pakistan.

“Ngi tip na u nongniah, ba ka don jingthut ha ka liengsuin” ong u Abdullah H Khan, uba dei u nongkren jong ka PIA. La iathuh shuh shuh ba ka liengsuin, kam lah ban plie ia ki shaka jongka bad katei ka dei ka daw bah, kaba pynthut ba kan hiar khyndew.