Shillong: Ka khubor ba la ioh dier por na ki bor Pulit ka iathuh, ba kawei ka kali jong ka MDC na ka seng Voice of the people Party (VPP) na Malki- Laitumkhrah Kong Deity Majaw kaba dangshu dep jop shen ha kane ka ilekshon MDC, kala hap sha khap nala ha Quinine Ri-Bhoi District bad la shem ba ka kali kala dap da ki Tyndong beer.
Ka khubor Pulit ka la iathuh ba kane ka jingjia kala jia myn ha ka 8 tarik u Lber ha ka por kumba 11 baje mynmiet ha surok NH-6 ha Shnong Quinine, Ri-Bhoi District.
Kane ka kali ka dei ka Grand i10 kaba don u nombor ML05-S-1130.
Katlum ki khubor la iathuh ba ia kane ka kali la niah da u Bah Aldoly Mawthoh ba na Malki Pdeng Shnong, Shillong bad ka dei kaba dang wan na Guwahati sha Shillong.
Ki Pulit ki iathuh ba ka MDC ka Malki- Laitumkhrah Kong Deity Majaw bad uwei pat bah Jepry Pohlong ba na Malki Pdengshnong, kila mynsaw ha kane ka jingjia.
Ia kine ki arngut la pynkit noh mar mar da ka Ambulance sha Bethany Hospital, Nongpoh ha shuwa ban poi ki Pulit ha ka jaka ba aksiden.
La iathuh ba ia kine kiba mynsaw la pynkit noh sha Appolo hospital, Guwahati ban ioh ia ka jingsumar ba paka.
Katba ia ka kali kaba don bad bun tylli ki Tyndong beer la kit noh sha Nongpoh Police Station
Phi don ban ong eiei?