Shillong: Ka bos kaba kit ia ki khynnah skul kiba leit bam khana ka la hap sha riat bad ha katei ka jingjia u Handyman jong katei ka bos u la iap hashen katba bun ngut ki khynnah skul ki la mynsaw. Katei ka bos ka dei kaba kit ia ki khynnah skul jong ka Rom Agal Primary School kiba leit bam khana kut snem sha ki thaiñ Rongram.
Katei ka jingjia ka la jia shuwa ban poi sha Dadengre katba katei ka bos ka dang wan phai na Chibragre kaba don ha ki thaiñ Rongram. Ki la don 60 ngut kiba shong ha katei ka bos, 54 na ki-ki dei ki khynnah skul. 2 ngut ki khynnah skul ki la mynsaw, bad 4/5 ngut na ki la pynkit sha Tura Civil Hospital katba bun ngut pat la pynkit sha Dadengre CHC.