Hap ioh laisen ki nongdie jingbam

Shillong,20 Jylliew:
Halor ka jingpyn treikam ia ka Food Safety and Standards Act 2006 ha baroh ka wei ka Ri India naduh ka 5 tarirk u nailar, 2011, u Chief Executive Officer, Jowai Municipal Board u la pyntip sha baroh ki dukan die jingbam ha Jaintia ba ki dei ban ioh Laisen lane ban rejistar katkumh ka Provision jong katei ka Act na ka ophis u Assistant Commissioner jong ka Food Safety, West Jaintia Hills, Jowai.
Katei ka ophis ka la pyntip ruh ba ki dukan die jingbam kijba hap ban ioh Laisen ki kynthup ia ki tyndur shna jingbam ne ki karkhana pynmih jingbam, ki nongkhaii jingbam, ki nongdie rashon, ki dukan ja dukan sha, ki jaka die ja, ki Restaurant, ki dukan die jingbam ha ki Canteen jong ki skul bad kolej, ki nongdie doh, nongdie dohkha, ki nongdie jhur , ki nongdie dud, bad ki nongdie kyiad bad kiwei pat ki jaka die marbam mardih, ki hap ban ioh ia katei ka Laisen, kaba ki lah ban ioh ka jingtip ba kham bniah na ophis u Food Inspector office of District Medical and Health Officer, Jowai.