Hap iathuh ki nongtrei ia ka kamai

Shillong, 05 Lber:
Ka sorkar jylla ka la wanrah ia ka ain ai jingtip jong ki nongtrei sorkar ia ka jingkamai ne ka jingioh jongki shisien shi snem.
Ia kane ka ain kaba la tip kum ka Meghalaya Public Servants (Furnishing of information and annual return of assets and liabilities and limits for Exemption of asset in Filing Returns) Rules 2016, la wanrah da u Myntri Rangbah ka jylla u Dr Mukul Sangma ha ka sngi shong dorbar mang tyngka ba nyngkong ha kane ka sngi Thohdieng. Ka sorkar ka thaw ia kane ka ain na ka bynta ba ki shakri sorkar ki dei ban ai jingtip sha ka sorkar ia ka jingioh kamai jongki ha ka shi snem, kynthup ka spah ka phew. Man u shakri sorkar u dei ban pynbna ia ka jingioh kamai jongu man ka 31 tarik Lber man u snem sha ka sorkar.